uHAFO (8.-10. klasse)

I ein HAFO-kamp skal det spelast ein omgang fotball og ein omgang handball. Det laget som har mest mål etter begge omgongane samanlagt har vunne kampen. Speletid i denne cupen er 2 x 10 min. I fotballomgongen er det 6 spelarar, og i handball 7 spelarar på banen. Det er lov å byte spelarar under heile kampen. Me følgjer vanlige fotball- og handballreglar, unntatt:

I staden for innkast brukar me innspark i fotball, og keeper har berre lov å ta ballen med nevane innanfor 6-meteren.

Kvart klassesteg vert delt inn i puljar. Det vert spela enkelt serie, slik at alle laga i gruppa får spela mot kvarandre ein gong. Dei to beste laga frå kvar gruppe går vidare til sluttspel. Sluttspelet vert rein cup til det er to lag igjen som spelar finale. Dersom det berre er ei gruppe frå klassesteget, går nr ein og to vidare til finalen.

Me ønsker å oppretthalde reine klasselag, og me oppfordrar alle til å driva Fair Play, og ikkje sette opp lag for å oppnå resultat. Hovudmålet med HAFO er å få flest mogleg barn med, og ikkje la resultatane driva dette arrangementet :)


Turneringsreglar
- Dersom det er vanskeleg å stilla med eit reint klasselag kan ein låna spelarar frå yngre klassetrinn eller frå andre klassar. NB! Dette må avklarast med festivalleiinga på førehand!

- Elevane kan berre vera med på eit lag på eit klassetrinn. Det skal vera minst sju spelarar på kvart lag.

- Dersom ein klasse vil stilla blanda lag, må dei vera med i gutegruppa for sitt klassesteg. 

- Spelarane på dei einskilde laga må ha lik farge på draktane (overdel). (Dersom to lag har lik farge, har me overtrekksdrakter)

Poengberegning:
Kvar seier gir 2 poeng, uavgjort resultat gir 1 poeng til begge klassane.

Ved like mange poeng:
Dersom to eller fleire klassar endar med like mange poeng i gruppespelet, vert det laga ein ny tabell med dei aktuelle laga, kor endelig tabellplasseringa vert avgjort i følgande rekkefølge:

1) Total målskilnad
2) Flest scorede mål
3) Loddtrekning

Skulekampen (Beste Skule):
Den skulen som samler flest poeng, vert BESTE SKULE, og vinner ein pengepremie til skulen sin. Skulen får 3 poeng dersom ein klasse fra skulen vinner ein finale, og 1 poeng dersom ein tapar ein finale.