Tips til alternativ trening
Nok ein gong må me vera kreative for å kunna samla troppane og få spelarane til å kjenna treningsglede og lagkjensle. På denne sida har me samla gode forslag til aktivitet når me ikkje kan nytta hallane våre.
For dei yngste laga kan det vera nok med eit digitalt skravlemøte via Teams eller Zoom, der dei får sjå kvarandre, prata litt, og få ei utfordring for veka eller liknande.
For dei litt eldre, kan ein legga til aktivitetsbingo (sjå lenger nede), ei utfordring, og ei lett treningsøkt saman med eit kjent idrettsfjes.
FORSLAG TIL UTANDØRS LOKASJONAR
- Vikahaugane
(utanfor ungdomsskulen, kunstgrasbanen, Andedammen, Skeisebanen) - Prestegardsskogen
- Banane ved Nordbygdo ungdomsskule
- Banane/uteområda ved dei ulike barneskulane
- Hustredalen
- Sponavikjo
- Grasbakken bak nausta i Breivikjo
- Parkeringsplassen ved Kværner
Merk at ein ikkje kan vera sikker på at desse stadane er «ledige», og det er difor lurt å ha ein plan B i tilfelle...
FORSLAG TIL AKTIVITETAR
Her lister me opp nokre tips til kva ein kan gjere av aktivitetar henta fra ulike tenester og utøvarar.
Learn Handball
Utfordringar til spelarane frå profesjonelle handballspelarar finn du på Learn Handball si side på facebook. Videoane merka med #Challenge utfordringar frå handballspelarar som kom under lockdown i vår. Bla til mars/april, så finn du dei. Mange gode forslag!
Funkygine
Effektiv heimetrening med utstyr som finst i alle heimar.
Johannes Høsflot Klæboe
Heimetrening med Johannes.
TV 2 Sumo
Hele Norge Trener; her er ein samling økter med ulike idrettsprofilar. Merk at du her må ha ein brukar på TV 2 Sumo. Dersom du ikkje har brukar, kan du opprette ein gratis.
- Trappeintervall og bein (Amanda Kurtovic)
- 7 minutt styrke (Amanda Kurtovic)
- 10-15 minutt styrke (Amanda Kurtovic)
- Full økt (Gro Hammerseng-Edin)
- Full økt (Mia Hundvin m.fl)
- Full økt (Harald Bredeli, Bent og Mia Svele)
- Full økt (Håvard Tvedten m.fl)
- Full økt (Silje Solberg og Veronica Kristiansen)
AKTIVITETSBINGO
Her finn du to forslag til aktivitetsbingo. Det er fort gjort å laga eit eige skjema; kva med å få spelarane til å senda deg forslag til aktivitetar dei vil ha med?
Lykke til med alternative treningsuker - det er svært viktig at ein held kontakt med laget sitt, samlast om mogleg og gir dei forslag til aktivitet:)
vilje - samhald - respekt
