Stord rundtspela Drammen i ein fantastisk kamp laurdagskveld på Vikahaugane. Årsbeste av fleire stordspelarar gjorde at Drammen låg under med heile 13 mål til pause, 21 - 8.

Sjøl om bortelaget prøvde å stressa Stord i 2.omgang bl.anna med frimerke, så var sigeren ikkje trua og Stord vann fortent, 35 - 28. Øyvind vart mestscorande med 9 mål, Nicolai og Didrik hadde begge 8. Didrik var banens beste og storspela både framover og bakover og sikra at Stord nådde kvartfinalen i sluttspelet.

Skuffande lite publikum hadde teke turen til hallen denne fine vårkvelden - men no får alle ein ny sjanse til å sjå flott handball på Vikahaugane  denne våren - kvartfinale onsdag 21/4 mot ØIF Arendal. Stord kunne nok tenkt seg Drammen som motstandar etter lørdagens kamp.

Torsdag kveld vann Stord ein overlegen seier over Haugaland (31-20), Haugaland som allereie har rykka ned i 1.div. greide ikkje å mobilisera nok til å trua Stord som var i føringa heile kampen. Samtlege Stordspelarar fekk speletid og gledeleg var det at Joar hadde 4 fulltreffarar. Nicolai vart banens beste og scora 6. Ingmar var absolutt i kampform att og scora 7. Bjarte spelte ikkje grunna ryggskaden og blir ute lørdag og.